ភ្នំពេញ: ស្ត្រីជនជាតិវៀតណាមម្នាក់ស្លាប់បាត់បង់ជីវិតយ៉ាងរន្ធត់ដោយបែកសាកសពជាពីរកំណាត់ បន្ទាប់ពីធ្លាក់ ពីលើអាគារមជ្ឈមណ្ឌលព្រីនស៍ ផ្លាស្សា កំពស់ជាច្រើនជាន់។
ហេតុការបង្កឲ្យមានការភ្ញាក់ផ្អើលនេះកើតឡើងកាលពីវេលាម៉ោង០១ រំលងអាធ្រាត្រឈានចូលថ្ងៃទី១៦ ខែឧសភាឆ្នាំ ២០២២នៅតាមបណ្ដោយផ្លូវព្រះនរោត្តម ស្ថិតក្នុងសង្កាត់ទន្លេបាសាក់ខណ្ឌចំការមន រាជធានីភ្នំពេញ។
សពជនរងគ្រោះមិនស្គាល់អត្តសញ្ញាណនោះទេ ភេទស្រី ជាជនជាតិវៀតណាម។
តាមប្រភពព័ត៌មានពីសន្តិសុខយាមនៅអគារកើតហេតុខាងលើបានប្រាប់ឲ្យដឹងថាមុនកើតហេតុរូបគាត់បានអង្គុយយាមនៅទីតាំងខាងលើដូចសព្វរាល់ដង លុះដល់ម៉ោងកើតហេតុខាងលើក៏ឮសំឡេងធ្លាក់ពីលើមកក្រោម ភ្លាមនោះក៏នាំគ្នាដើរចូលមើល ក៏ឃើញជនរងគ្រោះបែកខ្លួនជាពីរកំណាត់ស្លាប់នៅនឹងកន្លែងកើតហេតុយ៉ាងអាណោចអាធ័ មបាត់ទៅហើយ ដោយមិនដឹងថាលោតឬធ្លាក់ពីលើអគារនោះទេបន្ទាប់មកក៏បង្កឲ្យមានការភ្ញាក់ផ្អើល រួចក៏បាននាំគ្នារាយការណ៍ជូនសមត្ថកិច្ចភ្លាម។
ក្រោយកើតហេតុសមត្ថកិច្ចបានចុះមកដល់ បានធ្វើការហ៊ុំព័ទ្ធនៅទីតាំងកើតហេតុខាងលើ រួចទំនាក់ទំនងទៅសមត្ថកិច្ចជំនាញ ជំនាញចុះមកពិនិត្យ និងធ្វើធ្វើការស្រាវជ្រាវបន្ត៕
Discussion about this post