រុស្ស៊ីនឹងលែងចូលរួមក្នុងក្រុមប្រឹក្សាសហភាពអឺរ៉ុបទៀតហើយ

ម៉ូស្គូ៖ ក្រសួងការបរទេសរុស្ស៊ីនៅថ្ងៃព្រហស្បតិ៍បញ្ជាក់ថា ប្រទេសរបស់ខ្លួននឹងមិនចូលរួមក្នុងក្រុមប្រឹក្សាអឺរ៉ុបទៀតទេ។

ក្រសួងការបរទេសរុស្ស៊ីបានបញ្ជាក់នៅក្នុងសេចក្តីថ្លែងការណ៍មួយថា សហភាពអឺរ៉ុប និងបណ្តាប្រទេសនៃអង្គការណាតូកំពុងប្រើប្រាស់ភាគច្រើនដាច់ខាតរបស់ពួកគេនៅក្នុងក្រុមប្រឹក្សាគណៈរដ្ឋមន្ត្រីអឺរ៉ុប ដើម្បីបន្តការបំផ្លិចបំផ្លាញក្រុមប្រឹក្សាអឺរ៉ុប និងកន្លែងមនុស្សធម៌ ព្រមទាំងផ្លូវច្បាប់រួមនៅលើទ្វីប។ ក្រសួងនេះបានសង្កត់ធ្ងន់ថា រុស្ស៊ីនឹងមិនអត់ឱនចំពោះចំណាត់ការរបស់លោកខាងលិច ក្នុងការដាក់សណ្តាប់ធ្នាប់ដែលផ្អែកលើច្បាប់របស់ខ្លួន និងជាន់ឈ្លីលើច្បាប់អន្តរជាតិឡើយ។ ប្រទេសរុស្ស៊ីនឹងមិនចូលរួមក្នុងកិច្ចខិតខំប្រឹងប្រែង ដើម្បីប្រែក្លាយអង្គការនេះទៅជាវេទិកាផ្សេងទៀត សម្រាប់ការផ្សព្វផ្សាយអំពីឧត្តមភាពលោកខាងលិច និងសម្រាប់ភាពអស្ចារ្យនោះទេ។

គួរបញ្ជាក់ថា ក្រុមប្រឹក្សាអឺរ៉ុប គឺជាអង្គការសិទ្ធិមនុស្សឈានមុខគេរបស់ទ្វីប ដែលមានសមាជិកចំនួន ៤៧ប្រទេស។ សមាជិកចំនួន ២៧នាក់មកពីសហភាពអឺរ៉ុប។ ប្រទេសរុស្ស៊ីបានចូលជាសមាជិកក្រុមប្រឹក្សានេះនៅខែកុម្ភៈ ឆ្នាំ ១៩៩៦ ក្នុងនាមជាសមាជិកទី ៣៨៕ ប្រភព៖ ស៊ីនហួរ